हरिः ओम्

Sloka Text in Telugu , Kannada, Gujarati, Devanagari, English

|| Om tat sat ||

ಸುಂದರಕಾಂಡ.
ಅಥ ಅಷ್ಟಪಂಚಾಶಸ್ಸರ್ಗಃ||

ತತಃ ತಸ್ಯ ಗಿರೇಃ ಶೃಜ್ಞ್ಗೇ ಮಹೇನ್ದ್ರಸ್ಯ ಮಹಾಬಲಾಃ|
ಹನುಮತ್ಪ್ರಮುಖಾಃ ಪ್ರೀತಿಂ ಹರಯೋ ಜಗ್ಮುರುತ್ತಮಾಮ್||1||

ತಂ ತತಃ ಪ್ರೀತಿಸಂಹೃಷ್ಟಃ ಪ್ರೀತಿಮನ್ತಂ ಮಹಾಕಪಿಮ್|
ಜಾಮ್ಬವಾನ್ಕಾರ್ಯವೃತ್ತಾನ್ತಂ ಅಪೃಚ್ಛದನಿಲಾತ್ಮಜಮ್||2||

ಕಥಂ ದೃಷ್ಟಾ ತ್ವಯಾ ದೇವೀ ಕಥಂ ವಾ ತತ್ರ ವರ್ತತೇ|
ತಸ್ಯಾಂ ವಾ ಸ ಕಥಂ ವೃತ್ತಃ ಕ್ರೂರಕರ್ಮಾ ದಶಾನನಃ||3||

ತತ್ತ್ವತಃ ಸರ್ವಮೇತನ್ ನಃ ಪ್ರಬ್ರೂಹಿ ತ್ವಂ ಮಹಾಕಪೇ|
ಶ್ರುತಾರ್ಥಾಃ ಚಿನ್ತಯಿಷ್ಯಾಮೋ ಭೂಯಃ ಕಾರ್ಯವಿನಿಶ್ಚಯಮ್||4||

ಯಶ್ಚಾರ್ಥಃ ತತ್ರ ವಕ್ತವ್ಯೋ ಗತೈರಸ್ಮಾಭಿರಾತ್ಮವಾನ್|
ರಕ್ಷಿತಂ ಚ ಯತ್ ತತ್ರ ತದ್ಭಾವಾನ್ವ್ಯಾಕರೋತು ನಃ||5||

ಸ ನಿಯುಕ್ತಃ ತತಃ ತೇನ ಸಂಪ್ರಹೃಷ್ಟತನೂರುಹಃ|
ಪ್ರಣಮ್ಯ ಶಿರಸಾ ದೇವ್ಯೈ ಸೀತಾಯೈ ಪ್ರತ್ಯಭಾಷತ||6||

ಪ್ರತ್ಯಕ್ಷಮೇವ ಭವತಾಂ ಮಹೇನ್ದ್ರಾಽಗ್ರಾತ್ ಖಮಾಪ್ಲುತಃ|
ಉದಧೇರ್ದಕ್ಷಿಣಂ ಪಾರಂ ಕಾಂಕ್ಷಮಾಣಃ ಸಮಾಹಿತಃ||7||

ಗಚ್ಛತಶ್ಚ ಹಿ ಮೇಘೋರಂ ವಿಘ್ನರೂಪಮಿವಾಭವತ್|
ಕಾಂಚನಂ ಶಿಖರಂ ದಿವ್ಯಂ ಪಶ್ಯಾಮಿ ಸುಮನೋಹರಮ್||8||

ಸ್ಥಿತಂ ಪನ್ಥಾನಮಾವೃತ್ಯ ಮೇನೇ ವಿಘ್ನಂ ಚ ತಂ ನಗಮ್|
ಉಪಸಂಗಮ್ಯ ತಂ ದಿವ್ಯಂ ಕಾಂಚನಂ ನಗಸತ್ತಮಮ್||9||

ಕೃತಾ ಮೇ ಮನಸಾ ಬುದ್ಧಿರ್ಭೇತವ್ಯೋಽಯಂ ಮಯೇತಿ ಚ|
ಪ್ರಹತಂ ಚ ಮಯಾ ತಸ್ಯ ಲಾಂಗೂಲೇನ ಮಹಾಗಿರೇಃ||10||

ಶಿಖರಂ ಸೂರ್ಯ ಸಂಕಾಶಂ ವ್ಯಶೀರ್ಯತ ಸಹಸ್ರಥಾ|
ವ್ಯವಸಾಯಂ ಚ ತಂ ಬುದ್ಧ್ವಾ ಸ ಹೋವಾಚ ಮಹಾಗಿರಿಃ||11||

ಪುತ್ರೇತಿ ಮಧುರಾಂ ವಾಣೀಂ ಮನಃ ಪಹ್ಲಾದಯನ್ನಿವ|
ಪಿತೃವ್ಯಂ ಚಾಪಿ ಮಾಂ ವಿದ್ಧಿ ಸಖಾಯಂ ಮಾತರಿಶ್ವನಃ||12||

ಮೈನಾಕಮಿತಿ ವಿಖ್ಯಾತಂ ನಿವಸನ್ತಂ ಮಹಾದಧೌ|
ಪಕ್ಷವನ್ತಃ ಪುರಾ ಪುತ್ತ್ರ ಬಭೂವುಃ ಪರ್ವತೋತ್ತಮಾಃ||13||

ಛನ್ದತಃ ಪೃಥಿವೀಂ ಚೇರುರ್ಬಾಧಮಾನಾಃ ಸಮನ್ತತಃ|
ಶ್ರುತ್ವಾ ನಗಾನಾಂ ಚರಿತಂ ಮಹೇನ್ದ್ರಃ ಪಾಕಶಾಸನಃ||14||

ಚಿಚ್ಛೇದ ಭಗವಾನ್ ಪಕ್ಷಾನ್ ವಜ್ರೇಣೈಷಾಂ ಸಹಶ್ರಸಃ|
ಅಹಂ ತು ಮೋಕ್ಷಿತಃ ತಸ್ಮಾತ್ ತವಪಿತ್ತ್ರಾ ಮಹಾತ್ಮನಾ||15||

ಮಾರುತೇನ ತದಾವತ್ಸ ಪ್ರಕ್ಷಿಪ್ತೋಽಸ್ಮಿ ಮಹಾರ್ಣವೇ|
ರಾಮಸ್ಯ ಚ ಮಯಾ ಸಾಹ್ಯೇ ವರ್ತಿತವ್ಯ ಮರಿನ್ದಮ||16||

ರಾಮೋ ಧರ್ಮಭೃತಾಂ ಶ್ರೇಷ್ಟೋ ಮಹೇನ್ದ್ರಸಮವಿಕ್ರಮಃ|
ಏತತ್ ಶ್ರುತ್ವಾ ವಚಸ್ತಸ್ಯ ಮೈನಾಕಸ್ಯ ಮಹಾತ್ಮನಃ||17||

ಕಾರ್ಯಮಾವೇದ್ಯ ತು ಗಿರೇ ರುದ್ಯತಂ ಚ ಮನೋ ಮಮ|
ತೇನ ಚಾಽಹ ಮನುಜ್ಞಾತೋ ಮೈನಾಕೇನ ಮಹತ್ಮನಾ ||18||

ಸ ಚಾಪ್ಯಸ್ತರ್ಹಿತಃ ಶೈಲೋ ಮಾನುಷೇಣ ವಪುಷ್ಮತಾ|
ಶರೀರೇಣ ಮಹಾಶೈಲಃ ಶೈಲೇನ ಚ ಮಹಾದಧೌ||19||

ಉತ್ತಮಂ ಜವಮಾಸ್ಥಾಯ ಶೇಷಂ ಪನ್ಥಾನ ಮವಸ್ಥಿತಃ|
ತತೋಽಹಂ ಸುಚಿರಂ ಕಾಲಂ ವೇಗೇನಾಭ್ಯಗಮಂ ಪಥಿ||20||

ತತಃ ಪಶ್ಯಾಮ್ಯಹಂ ದೇವೀಂ ಸುರಸಾಂ ನಾಗಮಾತರಂ|
ಸಮುದ್ರ ಮಧ್ಯೇ ಸಾ ದೇವೀವಚನಮ್ ಮಾಂ ಅಭಾಷತ||21||

ಮಮಭಕ್ಷಃ ಪ್ರದಿಷ್ಟತ್ವಂ ಅಮರೈಃ ಹರಿಸತ್ತಮ|
ಅತಸ್ತ್ವಾಂ ಭಕ್ಷಯಿಷ್ಯಾಮಿ ವಿಹಿತಸ್ತ್ವಂ ಚಿರಸ್ಯ ಮೇ||22||

ಏವಮುಕ್ತಃ ಸುರಸಯಾ ಪ್ರಾಂಜಲಿಃ ಪ್ರಣತಃ ಸ್ಥಿತಃ|
ವಿಷಣ್ಣವದನೋ ಭುತ್ವಾ ವಾಕ್ಯಂ ಚೇದಮುದೀರಯಮ್||23||

ರಾಮೋ ದಾಶರಥಿಃ ಶ್ರೀಮಾನ್ ಪ್ರವಿಷ್ಟೋದಣ್ಡಕಾವನಮ್|
ಲಕ್ಷ್ಮಣೇನ ಸಹಭ್ರಾತ್ರಾ ಸೀತಾಯಾ ಚ ಪರನ್ತಪಃ||24||

ತಸ್ಯ ಸೀತಾ ಹೃತಾ ಭಾರ್ಯಾ ರಾವಣೇನ ದುರಾತ್ಮನಾ|
ತಸ್ಯಾಸ್ಸಕಾಶಂ ದೂತೋಽಹಂ ಗಮಿಷ್ಯೇ ರಾಮಶಾಸನಾತ್||25||

ಕರ್ತುಮರ್ಹಸಿ ರಾಮಸ್ಯ ಸಾಹಾಯ್ಯಂ ವಿಷಯೇ ಸತೀ|
ಅಥವಾ ಮೈಥಿಲೀಂ ದೃಷ್ಟ್ವಾ ರಾಮಂ ಚ ಕ್ಲಿಷ್ಟಕಾರಿಣಮ್||26||

ಆಗಮಿಷ್ಯಾಮಿ ತೇ ವಕ್ತ್ರಂ ಸತ್ಯಂ ಪ್ರತಿಶೃಣೋಮಿ ತೇ|
ಏವಮುಕ್ತಾ ಮಯಾ ಸಾತು ಸುರಸಾ ಕಾಮರೂಪಿಣೀ||27||

ಅಬ್ರವೀನ್ನಾತಿವರ್ತೇತ ಕಶ್ಚಿದೇಷ ವರೋ ಮಮ|
ಏವಮುಕ್ತ್ವಾ ಸುರಸಯಾ ದಶಯೋಜನಮಾಯತಃ||28||

ತತೋರ್ಥಗುಣವಿಸ್ತಾರೋ ಬಭೂವಾಹಂ ಕ್ಷಣೇನ ತು|
ಮತ್ಪ್ರಮಾಣಾನುರೂಪಂ ಚ ವ್ಯಾದಿತಂ ಚ ಮುಖಂ ತಯಾ||29||

ತದ್ದೃಷ್ಟ್ವಾ ವ್ಯಾದಿತಂ ಚಾಸ್ಯಂ ಹ್ರಸ್ವಂ ಹ್ಯಕರವಂ ವಪುಃ|
ತಸ್ಮಿನ್ಮುಹೂರ್ತೇ ಚ ಪುನಃ ಬಭೂವಾಂಗುಷ್ಠಮಾತ್ರಕಃ||30||

ಅಭಿಪತ್ಯಾಶು ತದ್ವಕ್ತ್ರಂ ನಿರ್ಗತೋಽಹಂ ತತಃ ಕ್ಷಣಾತ್|
ಅಬ್ರವೀತ್ಸುರಸಾ ದೇವೀ ಸ್ವೇನ ರೂಪೇಣ ಮಾಂ ಪುನಃ||31||

ಅರ್ಥ್ಯಸಿದ್ಧೈ ಹರಿಶ್ರೇಷ್ಠ ಗಚ್ಛ ಸೌಮ್ಯ ಯಥಾಸುಖಮ್|
ಸಮಾನಯಚ ವೈದೇಹೀಂ ರಾಘವೇಣ ಮಹಾತ್ಮನಾ||32||

ಸುಖೀಭವ ಮಹಾಬಾಹೋ ಪ್ರೀತಾಽಸ್ಮಿ ತವ ವಾನರ|
ತತೋಽಹಂ ಸಾಧು ಸಾಧ್ವಿತಿ ಸರ್ವಭೂತೈಃ ಪ್ರಶಂಸಿತಃ||33||

ತತೋನ್ತಽರಿಕ್ಷಂ ವಿಪುಲಂ ಪ್ಲುತೋಽಹಂ ಗರುಡೋ ಯಥಾ|
ಚಾಯಾಮೇ ನಿಗೃಹೀತಾ ಚ ನ ಚ ಪಶ್ಯಾಮಿ ಕಿಂಚನ||34||

ಸೋಽಹಂ ವಿಗತವೇಗಸ್ತು ದಿಶೋದಶ ವಿಲೋಕಯನ್|
ನ ಕಿಂಚಿತ್ ತತ್ರ ಪಶ್ಯಾಮಿ ಯೇನ ಮೇಽಪಹೃತಾ ಗತಿ||35||

ತತೋ ಮೇ ಬುದ್ಧಿರುತ್ಪನ್ನಾ ಕಿನ್ನಾಮ ಗಗನೇ ಮಮ|
ಈದೃಶೋ ವಿಘ್ನ ಉತ್ಪನ್ನೋ ರೂಪಂ ಯತ್ರ ನ ದೃಶ್ಯತೇ||36||

ಅಧೋ ಭಾಗೇನ ಮೇ ದೃಷ್ಟಿಃ ಶೋಚತಾ ಪಾತಿತಾ ಮಯಾ|
ತತೋಽದ್ರಾಕ್ಷ ಮಹಂ ಭೀಮಾಂ ರಾಕ್ಷಸೀಂ ಸಲಿಲೇಶಯಾಮ್||37||

ಪ್ರಹಸ್ಯ ಚ ಮಹಾನಾದ ಮುಕ್ತೋಽಹಂ ಭೀಮಯಾ ತಯಾ|
ಅವಸ್ಥಿತ ಮಸಂಭ್ರಾನ್ತಂ ಇದಂ ವಾಕ್ಯಮಶೋಭನಮ್||38||

ಕ್ವಾಸಿ ಗನ್ತಾ ಮಹಾಕಾಯಾ ಕ್ಷುಧಿತಾಯಾ ಮಮೇಪ್ಸಿತಃ|
ಭಕ್ಷಃ ಪ್ರೀಣಯ ಮೇ ದೇಹಂ ಚಿರಮಾಹಾರವರ್ಜಿತಮ್||39||

ಬಾಢಮಿತ್ಯೇನ ತಾಂ ವಾಣೀಂ ಪ್ರತ್ಯಗೃಹ್ಣಾ ಮಹಂ ತತಃ|
ಅಸ್ಯ ಪ್ರಮಾಣಾ ದಧಿಕಂ ತಸ್ಯಾಃ ಕಾಯ ಮಪೂರಯಮ್||40||

ತಸ್ಯಾಶ್ಚಾಸ್ಯಂ ಮಹದ್ಭೀಮಂ ವರ್ಧತೇ ಮಮಭಕ್ಷಣೇ|
ನ ಚ ಮಾಂ ಸಾಧು ಬುಬುಧೇ ಮಮ ವಾ ವಿಕೃತಂ ಕೃತಮ್||41||

ತತೋಽಹಂ ವಿಪುಲಂ ರೂಪಂ ಸಂಕ್ಷಿಪ್ಯ ನಿಮಿಷಾನ್ತರಾತ್|
ತಸ್ಯಾ ಹೃದಯಮಾದಾಯ ಪ್ರಪತಾಮಿ ನಭಃ ಸ್ಥಲಮ್||42||

ಸಾ ವಿಸೃಷ್ಟಭುಜಾ ಭೀಮಾ ಪಪಾತ ಲವಣಾಂಭಸಿ|
ಮಯಾ ಪರ್ವತಸಂಕಾಶಾ ನಿಕೃತ್ತ ಹೃದಯಾ ಸತೀ||43||

ಶೃಣೋಮಿ ಖಗತಾನಾಂ ಚ ಸಿದ್ಧಾನಾಂ ಚಾರಣೈಃ ಸಹ|
ರಾಕ್ಷಸೀ ಸಿಂಹಿಕಾ ಭೀಮಾ ಕ್ಷಿಪ್ರಂ ಹನುಮತಾ ಹತಾ||44||

ತಾಂ ಹತ್ವಾ ಪುನರೇವಾಽಹಂ ಕೃತ್ಯ ಮಾತ್ಯಯಿಕಂ ಸ್ಮರನ್|
ಗತ್ವಾ ಚಾಹಂ ಮಹಾಧ್ವಾನಂ ಪಶ್ಯಾಮಿ ನಗಮಣ್ಡಿತಮ್||45||

ದಕ್ಷಿಣಂ ತೀರ ಮುದಧೇಃ ಲಂಕಾ ಯತ್ರ ಚ ಸಾ ಪುರೀ|
ಅಸ್ತಂ ದಿನಕರೇ ಯಾತೇ ರಕ್ಷಸಾಂ ನಿಲಯಂ ಪುರಮ್||46||

ಪ್ರವಿಷ್ಟೋಽಹಂ ಅವಿಜ್ಞಾತೋ ರಕ್ಷೋಭಿರ್ಭೀಮವಿಕ್ರಮೈಃ|
ತತ್ರ ಪ್ರವಿಶತಶ್ಚಾಪಿ ಕಲ್ಪಾನ್ತಘನಸನ್ನಿಭಾ||47||

ಅಟ್ಟಹಾಸಂ ವಿಮುಂಚ್ಯನ್ತೀ ನಾರೀ ಕಾಽಪ್ಯುತ್ಥಿತಾ ಪುರಃ|
ಜಿಘಾಂ ಸನ್ತೀಂ ತತಸ್ತಾಂ ತು ಜ್ವಲದಗ್ನಿಶಿರೋರುಹಾಮ್||48||

ಸವ್ಯಮುಷ್ಟಿಪ್ರಹಾರೇಣ ಪರಾಜಿತ್ಯ ಸುಭೈರವಾಮ್|
ಪ್ರದೋಷಕಾಲೇ ಪ್ರವಿಶನ್ ಭೀತಯಾಽಹಂ ತಯೋದಿತಃ||49||

ಅಹಂ ಲಂಕಾಪುರೀ ವೀರನಿರ್ಜಿತಾ ವಿಕ್ರಮೇಣ ತೇ|
ಯಸ್ಮಾತ್ತಸ್ಮಾದ್ವಿಜೇತಾಽಸಿ ಸರ್ವರಕ್ಷಾಂಸ್ಯಶೇಷತಃ||50||

ತತ್ರಹಂ ಸರ್ವರಾತ್ರಂ ತು ವಿಚಿನ್ವನ್ ಜನಕಾತ್ಮಜಾಮ್|
ರಾವಣಾಂತಃ ಪುರಗತೋ ನ ಚಾಪಶ್ಯಂ ಸುಮಧ್ಯಮಾಮ್||51||

ತತಸ್ಸೀತಾ ಮಪಶ್ಯಂಸ್ತು ರಾವಣಸ್ಯ ನಿವೇಶನೇ|
ಶೋಕಸಾಗರಮಾಸಾದ್ಯ ನ ಪಾರ ಮುಪಲಕ್ಷಯೇ||52||

ಶೋಚತಾ ಚ ಮಯಾದೃಷ್ಟಂ ಪ್ರಾಕಾರೇಣ ಸಮಾವೃತಮ್|
ಕಾಂಚನೇನ ವಿಕೃಷ್ಟೇನ ಗೃಹೋಪವನಮುತ್ತಮಮ್||53||

ಸಪ್ರಾಕಾರ ಮವಪ್ಲುತ್ಯ ಪಶ್ಯಾಮಿ ಬಹುಪಾದಪಮ್|
ಅಶೋಕವನಿಕಾಮಧ್ಯೇ ಶಿಂಶುಪಾಪಾದಪೋಮಹಾನ್||54||

ತಮಾರುಹ್ಯ ಚ ಪಶ್ಯಾಮಿ ಕಾಂಚನಂ ಕದಳೀವನಮ್|
ಅದೂರೇ ಶಿಂಶುಪಾವೃಕ್ಷಾತ್ ಪಶ್ಯಾಮಿ ವರವರ್ಣಿನೀಮ್||55||

ಶ್ಯಾಮಾಂ ಕಮಲಪತ್ರಾಕ್ಷೀ ಮುಪವಾಸಕೃಶಾನನಾಮ್|
ತದೇಕವಾಸಸ್ಸಂವೀತಾಂ ರಜೋಧ್ವಸ್ತ ಶಿರೋರುಹಾಮ್||56||

ಶೋಕಸನ್ತಾಪ ದೀನಾಂಗೀಂ ಸೀತಾಂ ಭರ್ತೃಹಿತೇ ಸ್ಥಿತಾಮ್|
ರಾಕ್ಷಸೀಭಿರ್ವಿರೂಪಾಭಿಃ ಕ್ರೂರಾಭಿ ರಭಿಸಂವೃತಾಮ್||57||

ಮಾಂಸಶೋಣಿತ ಭಕ್ಷಾಭಿಃ ವ್ಯಾಘ್ರೀಭಿರ್ಹರಿಣೀಮಿವ|
ಸಾಮಯಾ ರಾಕ್ಷಸೀ ಮಧ್ಯೇ ತರ್ಜ್ಯಮಾನಾ ಮುಹುರ್ಮುಹುಃ||58||

ಏಕವೇಣೀಧರಾ ದೀನಾ ಭರ್ತೃಚಿನ್ತಾಪರಾಯಣಾ|
ಭೂಮಿಶಯ್ಯಾ ವಿವರ್ಣಾಂಗೀ ಪದ್ಮಿನೀವ ಹಿಮಾಗಮೇ||59||

ರಾವಣಾತ್ ವಿನಿವೃತಾರ್ಥಾ ಮರ್ತವ್ಯಕೃತನಿಶ್ಚಯಾ|
ಕಥಂಚಿನ್ ಮೃಗಶಾಬಾಕ್ಷೀ ತೂರ್ಣಮಾಸಾದಿತಾ ಮಯಾ||60||

ತಾಂ ದೃಷ್ಟ್ವಾ ತಾದೃಶೀಂ ನಾರೀಂ ರಾಮಪತ್ನೀಂ ಯಶಸ್ವಿನೀಮ್|
ತತ್ರೈವ ಶಿಂಶುಪಾವೃಕ್ಷೇ ಪಶ್ಯನ್ನಹಮವಸ್ಥಿತಃ||61||

ತತೋ ಹಲಹಲಾಶಬ್ದಂ ಕಾಂಚಿನೂಪುರಮಿಶ್ರಿತಮ್|
ಶ್ರುಣೋಮ್ಯಧಿಕ ಗಮ್ಭೀರಂ ರಾವಣಸ್ಯ ನಿವೇಶನೇ||62||

ತತೋಽಹಂ ಪರಮೋದ್ವಿಗ್ನಃ ಸ್ವಂ ರೂಪಂ ಪ್ರತಿಸಂಹರನ್|
ಅಹಂ ತು ಶಿಂಶುಪಾವೃಕ್ಷೇ ಪಕ್ಷೀವ ಗಹನೇ ಸ್ಥಿತಃ||63||

ತತೋ ರಾವಣ ದಾರಾಶ್ಚ ರಾವಣಶ್ಚ ಮಹಾಬಲಃ|
ತಂ ದೇಶಂ ಸಮನುಪ್ರಾಪ್ತಾ ಯತ್ರ ಸೀತಾಽಭವತ್ ಸ್ಥಿತಾ||64||

ತಂ ದೃಷ್ಟ್ವಾಽಥ ವರಾರೋಹಾ ಸೀತಾ ರಕ್ಷೋಗಣೇಶ್ವರಮ್|
ಸಂಕುಚ್ಯೋರೂಸ್ತನೌ ಪೀನೌ ಬಾಹೂಭ್ಯಾಂ ಪರಿರಭ್ಯ ಚ||65||

ವಿತ್ರಸ್ತಾಂ ಪರಮೋದ್ವಿಗ್ನಾಂ ವೀಕ್ಷಮಾಣಾಂ ತತಸ್ತತಃ|
ತ್ರಾಣಾಂ ಕಿಂಚಿದಪಶ್ಯನ್ತೀಂ ವೇಪಮಾನಾಂ ತಪಸ್ವಿನೀಮ್||66||

ತಾಮುವಾಚ ದಶಗ್ರೀವಃ ಸೀತಪರಮದುಃಖಿತಾ|
ಅವಾಕ್ಛಿರಾಃ ಪ್ರಪತಿತೋ ಬಹುಮನ್ಯಸ್ವ ಮಾಮಿತಿ||67||

ಯದಿಚೇತ್ತ್ವಂ ತು ದರ್ಪಾನಾಮಾಂ ನಾಭಿನನ್ದಸಿ ಗರ್ವಿತೇ|
ದ್ವೌಮಾಸಾನನ್ತರಂ ಸೀತೇ ಪಾಸ್ಯಾಮಿ ರುಧಿರಂ ತವ||68||

ಏತತ್ಚ್ರುತ್ವಾ ವಚಸ್ತಸ್ಯ ರಾವಣಸ್ಯ ದುರಾತ್ಮನಃ|
ಉವಾಚ ಪರಮಕೃದ್ಧಾ ಸೀತಾ ವಚನಮುತ್ತಮಮ್||69||

ರಾಕ್ಷಸಾಧಮ ರಾಮಸ್ಯ ಭಾರ್ಯಾಮಮಿತ ತೇಜಸಃ|
ಇಕ್ಷ್ವಾಕುಕುಲನಾಥಸ್ಯ ಸ್ನುಷಾಂ ದಶರಥಸ್ಯ ಚ||70||

ಅವಾಚ್ಯಂ ವದತೋ ಜಿಹ್ವಾ ಕಥಂ ನ ಪತಿತಾ ತವ|
ಕಿಂಚಿದ್ವೀರ್ಯಂ ತವಾನಾರ್ಯಂ ಯೋ ಮಾಂ ಭರ್ತುರಸನ್ನಿಧೌ||71||

ಅಪಹೃತ್ಯಾಽಽಗತಃ ಪಾಪ ತೇನಾಽದೃಷ್ಟೋ ಮಹಾತ್ಮನಾ|
ನ ತ್ವಂ ರಾಮಸ್ಯ ಸದೃಶೋ ದಾಸ್ಯೇಽಪ್ಯಸ್ಯ ನ ಯುಜ್ಯಸೇ||72||

ಯಜ್ಞೀಯಃ ಸತ್ಯವಾದೀ ಚ ರಣಶ್ಲಾಘೀ ಚ ರಾಘವಃ|
ಜಾನಕ್ಯಾ ಪರುಷಂ ವಾಕ್ಯಮೇವ ಮುಕ್ತೋ ದಶಾನನಃ||73||

ಜಜ್ವಾಲ ಸಹಸಾ ಕೋಪಾ ಚ್ಚಿತಾಸ್ಥ ಇವ ಪಾವಕಃ|
ವಿವೃತ್ಯ ನಯನೇ ಕ್ರೂರೇ ಮುಷ್ಟಿಮುದ್ಯಮ ದಕ್ಷಿಣಮ್||74||

ಮೈಥಿಲೀಂ ಹನ್ತುಮಾರಬ್ದಃ ಸ್ತ್ರೀಭಿರ್ಹಾಹಾಕೃತಂ ತದಾ|
ಸ್ತ್ರೀಣಾಂ ಮಧ್ಯಾತ್ ಸಮುತ್ಪತ್ಯ ತಸ್ಯ ಭಾರ್ಯಾ ದುರಾತ್ಮನಃ||75||

ವರಾ ಮಂಡೋದರೀ ನಾಮ ತಯಾ ಚ ಪ್ರತಿಷೇಧಿತಃ |
ಉಕ್ತಶ್ಚ ಮಧುರಾಂ ವಾಣೀಂ ತಯಾ ಸ ಮದನಾರ್ದಿತಃ||76||

ಸೀತಾಯಾ ತವ ಕಿಂ ಕಾರ್ಯಂ ಮಹೇನ್ದ್ರಸಮವಿಕ್ರಮಃ|
ದೇವಗನ್ಧರ್ವಕನ್ಯಾಭಿಃ ಯಕ್ಷಕನ್ಯಾಭಿ ರೇವ ಚ||77||

ಸಾರ್ಥಂ ಪ್ರಭೋ ರಮಸ್ವೇಹ ಸೀತಯಾ ಕಿಂ ಕರಿಷ್ಯಸಿ|
ತತಸ್ತಾಭಿಃ ಸಮೇತಾಭಿರ್ನಾರೀಭಿಃ ಸ ಮಹಾಬಲಃ||78||

ಪ್ರಸಾದ್ಯ ಸಹಸಾ ನೀತೋ ಭವನಂ ಸ್ವಂ ನಿಶಾಚರಃ|
ಯಾತೇ ತಸ್ಮಿನ್ ದಶಗ್ರೀವೇ ರಾಕ್ಷಸ್ಯೋ ವಿಕೃತಾನನಃ||79||

ಸೀತಾಂ ನಿರ್ಭರ್ತ್ಸಯಾಮಾಸುಃ ವಾಕ್ಯೈಃ ಕ್ರೂರೈಃ ಸುದಾರುಣೈಃ|
ತೃಣವದ್ಭಾಷಿತಂ ತಾಸಾಂ ಗಣಯಾಮಾಸ ಜಾನಕೀ||80||

ಗರ್ಜಿತಂ ಚತದಾ ತಾಸಾಂ ಸೀತಾಂ ಪ್ರಾಪ್ಯ ನಿರರ್ಥಕಮ್|
ವೃಥಾಗರ್ಜಿತನಿಶ್ಚೇಷ್ಟಾ ರಾಕ್ಷಸ್ಯಃ ಪಿಶಿತಾಶನಾಃ||81||

ರಾವಣಾಯ ಶಶಂಸುಸ್ತಾಃ ಸೀತಾಽಧ್ಯವಸಿತಂ ಮಹತ್|
ತತಸ್ತಾಃ ಸಹಿತಾ ಸರ್ವಾ ವಿಹಿತಾಶಾ ನಿರುದ್ಯಮಾಃ||82||

ಪರಿಕ್ಷಿಪ್ಯ ಸಮನ್ತಾತ್ ತಾಂ ನಿದ್ರಾವಶಮುಪಾಗತಾಃ|
ತಾಸುಚೈವ ಪ್ರಸುಪ್ತಾಸು ಸೀತಾ ಭರ್ತೃಹಿತೇ ರತಾ||83||

ವಿಲಪ್ಯ ಕರುಣಂ ದೀನಾ ಪ್ರಶುಶೋಚ ಸುದುಃಖಿತಾ|
ತಾಸಾಂ ಮಧ್ಯಾತ್ ಸಮುತ್ಥಾಯ ತ್ರಿಜಟಾ ವಾಕ್ಯಮಬ್ರವೀತ್||84||

ಆತ್ಮಾನಂ ಖಾದತ ಕ್ಷಿಪ್ರಂ ನ ಸೀತಾ ವಿನಶಿಷ್ಯತಿ|
ಜನಕಸ್ಯಾತ್ಮಜಾ ಸಾಧ್ವೀ ಸ್ನುಷಾ ದಶರಥಸ್ಯ ಚ||85||

ಸ್ವಪ್ನೋ ಹ್ಯದ್ಯ ಮಯಾ ದೃಷ್ಟೋ ದಾರುಣೋ ರೋಮಹರ್ಷಣಃ|
ರಕ್ಷಸಾಂ ಚ ವಿನಾಶಾಯ ಭರ್ತುರಸ್ಯಾ ಜಯಾಯ ಚ||86||

ಅಲಮಸ್ಮಾತ್ ಪರಿತ್ರಾತುಂ ರಾಘವಾದ್ರಾಕ್ಷಸೀಗಣಂ|
ಅಭಿಚಾಯಾಮ ವೈದೇಹೀ ಮೇ ತದ್ದಿ ಮಮರೋಚತೇ||87||

ಯಸ್ಯಾ ಹ್ಯೇನಂ ವಿಧಃ ಸ್ವಪ್ನೋ ದುಃಖಿತಾಯಾಃ ಪ್ರದೃಶ್ಯತೇ|
ಸಾ ದುಃಖೈರ್ವಿವಿಧೈರ್ಮುಕ್ತಾ ಸುಖಮಾಪ್ನೋತ್ಯನುತ್ತಮಮ್||88||

ಪ್ರಣಿಪಾತಾ ಪ್ರಸನ್ನಾ ಹಿ ಮೈಥಿಲೀ ಜನಕಾತ್ಮಜಾ|
ತತಸ್ಸಾ ಹ್ರೀಮತೀ ಬಾಲಾ ಭರ್ತುರ್ವಿಜಯಹರ್ಷಿತಾ||89||

ಅವೋಚತ್ ಯದಿತತ್ ತಥ್ಯಂ ಭವೇಯಂ ಶರಣಂ ಹಿ ವಃ|
ತಾಂ ಚಾಹಂ ತಾದೃಶೀಂ ದೃಷ್ಟ್ವಾ ಸೀತಾಯಾ ದಾರುಣಾಂ ದಶಾಮ್||90||

ಚಿನ್ತಯಾಮಾಸ ವಿಕ್ರಾನ್ತೋ ನ ಚ ಮೇ ನಿರ್ವೃತಂ ಮನಃ|
ಸಂಭಾಷಣಾರ್ಥಂ ಚ ಮಯಾ ಜಾನಕ್ಯಾಶ್ಚಿನ್ತಿತೋ ವಿಧಿಃ||91||

ಇಕ್ಷ್ವಾಕೂಣಾಂ ಹಿ ವಂಶಸ್ತು ತತೋ ಮಮ ಪುರಸ್ಕೃತಃ|
ಶ್ರುತ್ವಾ ತು ಗದಿತಾಂ ವಾಚಂ ರಾಜರ್ಷಿ ಗಣಪೂಜಿತಾಮ್||92||

ಪ್ರತ್ಯಭಾಷತ ಮಾಂ ದೇವೀಭಾಷ್ಪೈಃ ಪಿಹಿತಲೋಚನಾ|
ಕಸ್ತ್ವಂ ಕೇನ ಕಥಂ ಚೇಹ ಪ್ರಾಪ್ತೋ ವಾನರಪುಂಗವ||93||

ಕಾಚ ರಾಮೇಣ ತೇ ಪ್ರೀತಿಃ ತನ್ಮೇ ಶಂಸಿತುಮರ್ಹಸಿ|
ತಸ್ಯಾಸ್ತದ್ವಚನಂ ಶ್ರುತ್ವಾ ಹ್ಯಹ ಮಪ್ಯಬ್ರುವಂ ವಚಃ||94||

ದೇವಿ ರಾಮಸ್ಯ ಭರ್ತುಸ್ತೇ ಸಹಾಯೋ ಭೀಮವಿಕ್ರಮಃ|
ಸುಗ್ರೀವೋ ನಾಮ ವಿಕ್ರಾನ್ತೋ ವಾನರೇನ್ದ್ರೋ ಮಹಾಬಲಃ||95||

ತಸ್ಯಮಾಂ ವಿದ್ಧಿ ಭೃತ್ಯಂ ತ್ವಂ ಹನುಮನ್ತ ಮಿಹಾಽಽಗತಮ್|
ಭರ್ತ್ರಾಽಹಂ ಪ್ರೇಷಿತಃ ತುಭ್ಯಂ ರಾಮೇಣಾಽಕ್ಲಿಷ್ಟಕರ್ಮಣಃ||96||

ಇದಂ ಚ ಪುರುಷವ್ಯಾಘ್ರಃ ಶ್ರೀಮಾನ್ ದಾಶರಥಿಃ ಸ್ವಯಮ್|
ಅಂಗುಳೀಯ ಮಭಿಜ್ಞಾನ ಮದಾತ್ ತುಭ್ಯಂ ಯಸಸ್ವಿನಿ||97||

ತದಿಚ್ಛಾಮಿ ತ್ವಯಾಽಽಜ್ಞಪ್ತಂ ದೇವಿ ಕಿಂಕರವಾಣ್ಯಹಮ್|
ರಾಮಲಕ್ಷ್ಮಣಯೋಃ ಪಾರ್ಶ್ವಂ ನಯಾಮಿ ತ್ವಾಂ ಕಿಮುತ್ತರಮ್||98||

ಏತತ್ ಶ್ರುತ್ವಾ ವಿದಿತ್ವಾ ಚ ಸೀತಾ ಜನಕನನ್ದಿನೀ|
ಅಹ ರಾವಣ ಮುತ್ಸಾದ್ಯ ರಾಘವೋ ಮಾಂ ನಯತ್ವಿತಿ ||99||

ಪ್ರಣಮ್ಯ ಶಿರಸಾ ದೇವೀ ಮಹಮಾರ್ಯಾ ಮನಿನ್ದಿತಾಮ್|
ರಾಘವಸ್ಯ ಮನೋಹ್ಲಾದ ಅಭಿಜ್ಞಾನಂ ಮಯಾಚಿಷಮ್||100||

ಅಥ ಮಾಮಬ್ರವೀತ್ ಸೀತಾ ಗೃಹ್ಯತಾಮಯಮುತ್ತಮಃ|
ಮಣಿರ್ಯೇನ ಮಹಾಬಾಹೂ ರಾಮಸ್ತ್ವಾಂ ಬಹುಮನ್ಯತೇ||101||

ಇತ್ಯುಕ್ತ್ವಾತು ವರಾರೋಹಾ ಮಣಿಪ್ರವರಮದ್ಭುತಮ್|
ಪ್ರಾಯಚ್ಛತ್ ಪರಮೋದ್ವಿಗ್ನಾ ವಾಚಾ ಮಾಂ ಸಂದಿದೇಶ ಹ||102||

ತತಸ್ತಸ್ಯೈ ಪ್ರಣಮ್ಯಾಹಂ ರಾಜಪುತ್ಯ್ರೈ ಸಮಾಹಿತಃ|
ಪ್ರದಕ್ಷಿಣಂ ಪರಿಕ್ರಾಮ ಮಿಹಾಭ್ಯುದ್ಗತಮಾನಸಃ||103||

ಉಕ್ತೋಽಹಂ ಪುನರೇವೇದಂ ನಿಶ್ಚಿತ್ಯ ಮನಸಾ ತಯಾ|
ಹನುಮಾನ್ಮಮ ವೃತ್ತಾನಂ ವಕ್ತು ಮರ್ಹಸಿ ರಾಘವೇ||104||

ಯಥಾಶ್ರುತ್ವೈವ ನ ಚಿರಾತ್ತಾವುಭೌ ರಾಮಲಕ್ಷ್ಮಣೌ|
ಸುಗ್ರೀವಸಹಿತೌ ವೀರಾ ವುಪೇಯಾತಾಂ ತಥಾ ಕುರು||105||

ಯದನ್ಯಥಾ ಭವೇದೇತತ್ ದ್ವೌಮಾಸೌ ಜೀವಿತಂ ಮಮ|
ನ ಮಾಂ ದ್ರಕ್ಷ್ಯತಿ ಕಾಕುತ್‍ಸ್ಥೋಮ್ರಿಯೇ ಸಾಽಹ ಮನಾಥವತ್||106||

ತಚ್ಛ್ರುತ್ವಾ ಕರುಣಂ ವಾಕ್ಯಂ ಕ್ರೋಧೋ ಮಾಮಭ್ಯವರ್ತತ|
ಉತ್ತರಂ ಚ ಮಯಾ ದೃಷ್ಟಂ ಕಾರ್ಯಶೇಷಮನಂತರಮ್||107||

ತತೋಽವರ್ಧತ ಮೇ ಕಾಯಸ್ತದಾ ಪರ್ವತಸನ್ನಿಭಃ|
ಯುದ್ಧಕಾಂಕ್ಷೀ ವನಂ ತಚ್ಚ ವಿನಾಶಯಿತುಮಾರಭೇ||108||

ತದ್ಭಗ್ನಂ ವನಷಣ್ಡಂ ತು ಭ್ರಾನ್ತತ್ರಸ್ತಮೃಗದ್ವಿಜಮ್|
ಪ್ರತಿಬುದ್ಧಾ ನಿರೀಕ್ಷನ್ತೇ ರಾಕ್ಷಸ್ಯಾ ವಿಕೃತಾನನಃ||109||

ಮಾಂ ಚ ದೃಷ್ಟ್ವಾ ವನೇ ತಸ್ಮಿನ್ ಸಮಾಗಮ್ಯ ತತಸ್ತತಃ|
ತಾಃ ಸಮಭ್ಯಾಽಽಗತಾಃ ಕ್ಷಿಪ್ರಂ ರಾವಣಾಯಚ ಚಕ್ಷಿರೇ||110||

ರಾಜನ್ ವನಮಿದಂ ದುರ್ಗಂ ತವ ಭಗ್ನಂ ದುರಾತ್ಮನಾ|
ವಾನರೇಣ ಹ್ಯವಿಜ್ಞಾಯ ತವ ವೀರ್ಯಂ ಮಹಾಬಲ||111||

ದುರ್ಬುದ್ಧೇಸ್ತಸ್ಯ ರಾಜೇನ್ದ್ರ ತವ ವಿಪ್ರಿಯಕಾರಿಣಃ|
ವಧಮಾಜ್ಞಾಪಯ ಕ್ಷಿಪ್ರಂ ಯಥಾಽಸೌ ವಿಲಯಂ ಪ್ರಜೇತ್||112||

ತಚ್ಛ್ರುತ್ವಾ ರಾಕ್ಷಸೇನ್ದ್ರೇಣ ವಿಸೃಷ್ಟಾ ಭೃಶದುರ್ಜಯಾಃ|
ರಾಕ್ಷಸಾಃ ಕಿಂಕರಾ ನಾಮ ರಾವಣಸ್ಯ ಮನೋಽನುಗಾಃ||113||

ತೇಷಾಮಶೀತಿ ಸಾಹಸ್ರಂ ಶೂಲಮುದ್ಗರಪಾಣಿನಾಮ್|
ಮಯಾ ತಸ್ಮಿನ್ ವನೋದ್ದೇಶೇ ಪರಿಘೇಣ ನಿಷೂದಿತಮ್||114||

ತೇಶಾಂ ತು ಹತಶೇಷಾ ಯೇ ತೇ ಗತ್ವಾ ಲಘುವಿಕ್ರಮಾಃ|
ನಿಹತಂ ಚ ಮಹತ್ ಸೈನ್ಯಂ ರಾವಣಾಯಾಚಚಕ್ಷಿರೇ||115||

ತತೋಮೇ ಬುದ್ಧಿರುತ್ಪನ್ನಾ ಚೈತ್ಯ ಪ್ರಾಸಾದಮಾಕ್ರಮಮ್|
ತತ್ರಸ್ಥಾನ್ ರಾಕ್ಷಸಾನ್ ಹತ್ವಾ ಶತಂ ಸ್ತಮ್ಭೇನ ವೈಪುನಃ||116||

ಲಲಾಮ ಭೂತೋ ಲಂಕಾಯಾಃ ಸ ವೈವಿಧ್ವಂಸಿತೋ ಮಯಾ|
ತತಃ ಪ್ರಹಸ್ತಸ್ಯ ಸುತಂ ಜಂಬುಮಾಲಿನಮಾದಿಶತ್||117||

ರಾಕ್ಷಸೈರ್ಬಹುಭಿಃ ಸಾರ್ಥಂ ಘೋರರೂಪ ಭಯಾನಕೈಃ|
ತಂ ಮಹಾಬಲಸಂಪನ್ನಂ ರಾಕ್ಷಸಂ ರಣಕೋವಿದಮ್||118||

ಪರಿಘೇಣಾತಿ ಘೋರೇಣ ಸೂದಯಾಮಿ ಸಹಾನುಗಂ|
ತತ್ ಶೃತ್ವಾ ರಾಕ್ಷಸೇಂದ್ರಸ್ತು ಮಂತ್ರಿಪುತ್ತ್ರಾನ್ ಮಹಾಬಲಾನ್||119||

ಪದಾತಿ ಬಲಸಂಪನ್ನಾನ್ ಪ್ರೇಷಯಾಮಾಸ ರಾವಣಃ|
ಪರಿಘೇಣೈವ ತಾನ್ ಸರ್ವಾನ್ ನಯಾಮಿ ಯಮಸಾದನಮ್||120||

ಮಂತ್ರಿಪುತ್ತ್ರಾನ್ ಹತಾನ್ ಶ್ರುತ್ವಾ ಸಮರೇ ಲಘುವಿಕ್ರಮಾನ್|
ಪಂಚ ಸೇನಾಗ್ರಗಾನ್ ಶೂರಾನ್ ಪ್ರೇಷಯಾಮಾಸ ರಾವಣಃ||121||

ತಾನಹಂ ಸಹಸೈನ್ಯಾನ್ ವೈ ಸರ್ವಾನೇವಾಭ್ಯಸೂದಯಮ್|
ತತಃ ಪುನರ್ದಶಗ್ರೀವಃ ಪುತ್ತ್ರಮಕ್ಷಂ ಮಹಾಬಲಮ್||122||

ಬಹುಭೀ ರಾಕ್ಷಸೈಸ್ಸಾರ್ಥಂ ಪ್ರೇಷಯಾಮಾಸ ರಾವಣಃ|
ತಂ ತು ಮನ್ಡೋದರೀಪುತ್ತ್ರಂ ಕುಮಾರಂ ರಣಪಣ್ಡಿತಮ್||123||

ಸಹಸಾ ಖಂ ಸಮುತ್ಕ್ರಾನ್ತಂ ಪಾದಯೋಶ್ಚ ಗೃಹೀತವಾನ್ |
ಚರ್ಮಾಸಿನಂ ಶತಗುಣಂ ಭ್ರಾಮಯಿತ್ವಾ ವ್ಯಪೇಷಯಮ್||124||

ತಂ ಅಕ್ಷಮಾಗತಮ್ ಭಗ್ನಂ ನಿಶಮ್ಯ ಸ ದಶಾನನಃ|
ತತ ಇನ್ದ್ರಜಿತಂ ನಾಮ ದ್ವಿತೀಯಂ ರಾವಣಸ್ಸುತಮ್||125||

ವ್ಯಾದಿದೇಶ ಸುಸಂಕ್ರುದ್ಧೋ ಬಲಿನಂ ಯುದ್ಧದುರ್ಮದಮ್|
ತಚ್ಚಾಪ್ಯಹಂ ಬಲಂ ಸರ್ವಂ ತಂ ಚ ರಾಕ್ಷಸಪುಂಗವಮ್||126||

ನಷ್ಟೌಜಸಂ ರಣೇ ಕೃತ್ವಾ ಪರಂ ಹರ್ಷಮುಪಾಗಮಮ್|
ಮಹತಾಽಪಿ ಮಹಾಬಾಹುಃ ಪ್ರತ್ಯಯೇನ ಮಹಾಬಲಃ||127||

ಪ್ರೇಷಿತೋ ರಾವಣೇ ನೈವ ಸಹವೀರೈರ್ಮದೋತ್ಕಟೈಃ|
ಸೋಽವಿಷಹ್ಯಂ ಹಿ ಮಾಂ ಬುದ್ಧ್ವಾ ಸ್ವಂ ಬಲಂ ಚಾವಮರ್ದಿತಮ್||128||

ಬ್ರಾಹ್ಮೇಣಾಸ್ತ್ರೇಣ ಸ ತು ಮಾಂ ಪ್ರಾಬಧ್ನಾಚ್ಚಾತಿವೇಗಿತಃ|
ರಜ್ಜುಭಿಶ್ಚಾಪಿ ಬಧ್ನನ್ತಿ ತತೋ ಮಾಂ ತತ್ರ ರಾಕ್ಷಸಾಃ||129||

ರಾವಣಸ್ಯ ಸಮೀಪಂ ಚ ಗೃಹೀತ್ವಾ ಮಾಮುಪಾನಯನ್|
ದೃಷ್ಟ್ವಾ ಸಂಭಾಷಿತಶ್ಚಾಹಂ ರಾವಣೇನ ದುರಾತ್ಮನಾ||130||

ಪೃಷ್ಟಶ್ಚ ಲಂಕಾಗಮನಂ ರಾಕ್ಷಸಾನಾಂ ಚ ತಂ ವಧಮ್|
ತತ್ಸರ್ವಂ ಚ ಮಯಾ ತತ್ರ ಸೀತಾರ್ಥಮಿತಿ ಜಲ್ಪಿತಮ್||131||

ಅಸ್ಯಾಹಂ ದರ್ಶನಾಕಾಂಕ್ಷೀ ಪ್ರಾಪ್ತಃ ತದ್ಭವನಂ ವಿಭೋ|
ಮಾರುತಸ್ಯೌರಸಃ ಪುತ್ತ್ರೋ ವಾನರೋ ಹನುಮಾನಹಮ್||132||

ರಾಮದೂತಂ ಚ ಮಾಂ ವಿದ್ಧಿ ಸುಗ್ರಿವ ಸಚಿವಂ ಕಪಿಮ್|
ಸೋಽಹಂ ದೂತ್ಯೇನ ರಾಮಸ್ಯ ತ್ವತ್ಸಕಾಶ ಮಿಹಾಗತಃ||133||

ಸುಗ್ರೀವಶ್ಚ ಮಹಾತೇಜಾಃ ಸ ತ್ವಾಂ ಕುಶಲಮಬ್ರವೀತ್|
ಧರ್ಮಾರ್ಥಕಾಮಸಹಿತಂ ಹಿತಂ ಪಥ್ಯ ಮುವಾಚ ಚ||134||

ವಸತೋ ಋಷ್ಯಮೂಕೇ ಮೇ ಪರ್ವತ ವಿಪುಲದ್ರುಮೇ|
ರಾಘವೋ ರಣವಿಕ್ರಾನ್ತೋ ಮಿತ್ರತ್ವಂ ಸಮುಪಾಗತಃ||135||

ತೇನ ಮೇ ಕಥಿತಂ ರಾಜ್ಞಾ ಭಾರ್ಯಾ ಮೇ ರಕ್ಷಸಾ ಹೃತಾ|
ತತ್ರ ಸಾಹಾಯ್ಯ ಮಸ್ಮಾಕಂ ಕಾರ್ಯಂ ಸರ್ವಾತ್ಮನಾ ತ್ವಯಾ||136||

ಮಯಾ ಚ ಕಥಿತಂ ತಸ್ಮೈ ವಾಲಿನಶ್ಚ ವಧಂ ಪ್ರತಿ|
ತತ್ರ ಸಹಾಯ್ಯ ಹೇತೋರ್ಮೇ ಸಮಯಂ ಕರ್ತುಮರ್ಹಸಿ||137||

ವಾಲಿನಾ ಹೃತರಾಜ್ಯೇನ ಸುಗ್ರೀವೇಣ ಮಹಾಪ್ರಭುಃ|
ಚಕ್ರೇಽಗ್ನಿ ಸಾಕ್ಷಿಕಂ ಸಖ್ಯಂ ರಾಘವಃ ಸಹಲಕ್ಷ್ಮಣಃ||138||

ತೇನ ವಾಲಿನಮುತ್ಪಾಟ್ಯ ಶರೇಣೈಕೇನ ಸಂಯುಗೇ|
ವಾನರಾಣಾಂ ಮಹಾರಾಜಃ ಕೃತಃ ಸ ಪ್ಲವತಾಂ ಪ್ರಭುಃ||139||

ತಸ್ಯಸಾಹಯ್ಯಮಸ್ಮಾಭಿಃ ಕಾರ್ಯಂ ಸರ್ವಾತ್ಮನಾ ತ್ವಿಹ|
ತೇನ ಪ್ರಸ್ಥಾಪಿತಃ ತುಭ್ಯಂ ಸಮೀಪ ಮಿಹ ಧರ್ಮತಃ||140||

ಕ್ಷಿಪ್ರಮಾನೀಯತಾಂ ಸೀತಾ ದೀಯತಾಂ ರಾಘವಾಯ ಚ|
ಯಾವನ್ನಹರಯೋ ವೀರಾ ವಿಧಮನ್ತಿ ಬಲಂ ತವ||141||

ವಾನರಾಣಾಂ ಪ್ರಭಾವೋ ಹಿ ನ ಕೇನ ವಿದಿತಃ ಪುರಾ|
ದೇವತಾನಾಂ ಸಕಾಶಂ ಚ ಯೇ ಗಚ್ಚನ್ತಿ ನಿಮನ್ತ್ರಿತಾಃ||142||

ಇತಿ ವಾನರರಾಜಃ ತ್ವಾಮಾಹೇತ್ಯಭಿಹಿತೋ ಮಯಾ|
ಮಾಮೈಕ್ಷತ ತತಃ ಕ್ರುದ್ಧಃ ಚಕ್ಷುಸಾ ಪ್ರದಹನ್ನಿವ||143||

ತೇನ ವಧ್ಯೋಽಹಮಾಜ್ಞಪ್ತೋ ರಕ್ಷಸಾ ರೌದ್ರಕರ್ಮಣಾ|
ಮತ್ಪ್ರಭಾವಂ ಅವಿಜ್ಞಾಯ ರಾವಣೇನ ದುರಾತ್ಮನಾ||144||

ತತೋ ವಿಭೀಷಣೋ ನಾಮ ತಸ್ಯ ಭ್ರಾತಾ ಮಹಾಮತಿಃ|
ತೇನ ರಾಕ್ಷರಾಜೋಽಸೌ ಯಾಚಿತೋ ಮಮಕಾರಣಾತ್||145||

ನೈವಂ ರಾಕ್ಷಸಶಾರ್ದೂಲ ತ್ಯಜತಾ ಮೇಷ ನಿಶ್ಚಯಃ|
ರಾಜಶಾಸ್ತ್ರವ್ಯಪೇತೋ ಹಿ ಮಾರ್ಗಃ ಸಂಸೇವ್ಯತೇ ತ್ವಯಾ||146||

ದೂತವಧ್ಯಾ ನ ದೃಷ್ಟಾ ಹಿ ರಾಜಶಾಸ್ತ್ರೇಷು ರಾಕ್ಷಸ|
ದೂತೇನ ವೇದಿತವ್ಯಂ ಚ ಯಥಾರ್ಥಂ ಹಿತವಾದಿನಾ||147||

ಸುಮಹತ್ಯಪರಾಧೇಽಪಿ ದೂತಸ್ಯಾತುಲವಿಕ್ರಮ|
ವಿರೂಪಕರಣಂ ದೃಷ್ಟಂ ನ ವಧೋಽಸ್ತೀತಿ ಶಾಸ್ತ್ರತಃ||148||

ವಿಭೀಷಣೇನೈವ ಮುಕ್ತೋ ರಾವಣಃ ಸಂದಿದೇಶ ತಾನ್ |
ರಾಕ್ಷಸಾನೇತ ದೇವಾಸ್ಯ ಲಾಂಗೂಲಂ ದಹ್ಯತಾಮಿತಿ||149|
ತತಸ್ತಸ್ಯ ವಚಶ್ಶ್ರುತ್ವಾ ಮಮ ಪುಚ್ಚಂ ಸಮನ್ತತಃ|
ವೇಷ್ಟಿತಂ ಶಣವಲ್ಕೈಶ್ಚ ಜೀರ್ಣೈಃ ಕಾರ್ಪಾಸಜೈಃ ಪಟೈಃ||150||

ರಾಕ್ಷಸಾಃ ಸಿದ್ಧಸನ್ನಾಹಾಃ ತತಸ್ತೇ ಚಣ್ಡವಿಕ್ರಮಾಃ|
ತದಾಽದಹ್ಯನ್ತ ಮೇ ಪುಚ್ಚಂ ನಿಘ್ನನ್ತಃ ಕಾಷ್ಠಮುಷ್ಟಿಭಿಃ||151||

ಬದ್ಧಸ್ಯ ಬಹುಭಿಃ ಪಾಶೈರ್ಯನ್ತ್ರಿತಸ್ಯ ಚ ರಾಕ್ಷಸೈಃ|
ತತಸ್ತೇ ರಾಕ್ಷಸಾ ಶ್ಶೂರಾ ಬದ್ಧಂ ಮಾಮಗ್ನಿಸಂವೃತಮ್||152||

ಅಘೋಷಯನ್ ರಾಜಮಾರ್ಗೇ ನಗರದ್ವಾರಮಾಗತಾಃ|
ತತೋಽಹಂ ಸುಮಹದ್ರೂಪಂ ಸಂಕ್ಷಿಪ್ಯ ಪುನರಾತ್ಮನಃ||153||

ವಿಮೋಚಯಿತ್ವಾ ತಂ ಬದ್ಧಂ ಪ್ರಕೃತಿಸ್ಥಃ ಸ್ಥಿತಃ ಪುನಃ|
ಆಯಸಂ ಪರಿಘಂ ಗೃಹ್ಯ ತಾನಿ ರಕ್ಷಾಂಸ್ಯಸೂದಯಮ್||154||

ತತಸ್ತನ್ನಗರದ್ವಾರಂ ವೇಗೇ ನಾಪ್ಲುತವಾನಹಮ್|
ಪುಚ್ಛೇನ ಚ ಪ್ರದೀಪ್ತೇನ ತಾಂ ಪುರೀಂ ಸಾಟ್ಟಗೋಪುರಾಮ್||155||

ದಹಾಮ್ಯಹಮಸಂಭ್ರಾನ್ತೋ ಯುಗಾನ್ತಾಗ್ನಿರಿವ ಪ್ರಜಾಃ|
ವಿನಷ್ಟಾ ಜಾನಕೀ ವ್ಯಕ್ತಂ ನ ಹ್ಯದಗ್ಧಃ ಪ್ರದೃಶ್ಯತೇ||156||

ಲಂಕಾಯಾಂ ಕಶ್ಚಿದುದ್ದೇಶಃ ಸರ್ವಾ ಭಸ್ಮೀಕೃತಾ ಪುರೀ|
ದಹತಾ ಚ ಮಯಾ ಲಂಕಾಂ ದಗ್ಧಾ ಸೀತಾ ನ ಸಂಶಯಮ್||157||

ರಾಮಸ್ಯಹಿ ಮಹತ್ಕಾರ್ಯಂ ಮಯೇದಂ ವಿತಥೀಕೃತಮ್|
ಇತಿ ಶೋಕಸಮಾವಿಷ್ಟಃ ಚಿನ್ತಾಮಹಮುಪಾಗತಃ||158||

ಅಥಾಹಂ ವಾಚ ಮಶ್ರೌಷಂ ಚಾರಣಾನಾಂ ಶುಭಾಕ್ಷರಾಮ್|
ಜಾನಕೀ ನಚ ದಗ್ಧೇತಿ ವಿಸ್ಮಯೋದನ್ತ ಭಾಷಿಣಾಮ್||159||

ತತೋ ಮೇ ಬುದ್ಧಿರುತ್ಪನ್ನ ಶ್ರುತ್ವಾ ತಾಮದ್ಭುತಾಂ ಗಿರಮ್|
ಅದಗ್ಧಾ ಜಾನಕೀತ್ಯೇವಂ ನಿಮಿತ್ತೈಶ್ಚೋಪಲಕ್ಷಿತಾ||160||

ದೀಪ್ಯಮಾನೇ ತು ಲಾಂಗೂಲೇ ನಮಾಂ ದಹತಿ ಪಾವಕಃ|
ಹೃದಯಂ ಚ ಪ್ರಹೃಷ್ಟಂ ಮೇ ವಾತಾಃ ಸುರಭಿಗನ್ದಿನಃ||161||

ತೈರ್ನಿಮಿತ್ತೈಶ್ಚ ದೃಷ್ಟಾರ್ಥೈಃ ಕಾರಣೈಶ್ಚ ಮಹಾಗುಣೈಃ|
ಋಷಿವಾಕ್ಯೈಶ್ಚ ಸಿದ್ದಾರ್ಥೈರಭವಂ ಹೃಷ್ಟಮಾನಸಃ||162||

ಪುನರ್ದೃಷ್ಟ್ವಾ ಚ ವೈದೇಹೀಂ ವಿಸೃಷ್ಟಶ್ಚತಯಾ ಪುನಃ|
ತತಃ ಪರ್ವತಮಾಸಾದ್ಯ ತತ್ರಾರಿಷ್ಟಮಹಂ ಪುನಃ||163||

ಪ್ರತಿಪ್ಲವನಮಾರೇಭೇ ಯುಷ್ಮದ್ದರ್ಶನ ಕಾಂಕ್ಷಯಾ|
ತತಃ ಪವನಚನ್ದ್ರಾರ್ಕ ಸಿದ್ಧಗಂಧರ್ವ ಸೇವಿತಮ್||164||

ಪನ್ಥಾನಮಹಮಾಕ್ರಮ್ಯ ಭವತೋ ದೃಷ್ಟವಾನಿಹ|
ರಾಘವಸ್ಯ ಪ್ರಭಾವೇನ ಭವತಾಂ ಚೈವ ತೇಜಸಾ||165||

ಸುಗ್ರೀವಸ್ಯ ಚ ಕಾರ್ಯಾರ್ಥಂ ಮಯಾ ಸರ್ವಮನುಷ್ಠಿತಮ್|
ಏತತ್ಸರ್ವಂ ಮಯಾ ತತ್ರ ಯಥಾವದುಪಪಾದಿತಮ್||166||

ಅತ್ರಯನ್ನ ಕೃತಂ ಶೇಷಂ ತತ್ ಸರ್ವಂ ಕ್ರಿಯತಾಮಿತಿ ||

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ಅಷ್ಟಪಂಚಾಶಸ್ಸರ್ಗಃ ||

|| Om tat sat ||